Pavarësisht pretendimeve të kundërta nga Neymar, ish bashkëlojtari i tij pretendon që braziliani u largua nga Barcelona për shkak të Lionel Messit.

Paris Saint Germaini tronditi gjigantin në Nou Camp kur ata paguan klauzolën e lëshimit të yllit duke nënshkruar me të për një tarifë prej 198 milionë funta muajin e kaluar, transmeton portali arbresh.info.

Megjithëse paga e ofruar ishte madhështore, u pohua se Neymar ishte lodhur duke qëndruar nën hijen e reprezentuesit argjentinas. Neymar iu përgjigj këtyre  raporteve duke thënë se transferimi te Paris Saint Germaini ishte realizuar për t’i ndihmuar atyre që të fitojnë trofe.

Megjithatë, ish kolegu i tij te Barcelona, Jeremy Mathieu, insiston në të kundërtën. 33-vjeçari, i cili aktualisht luan te Sporting Lisboni, ka befasuar me deklaratën e tij.

“Në asnjë moment njerëzit nuk kanë menduar se ai do të largohej nga Barcelona. Por ky është futbolli. Është vendimi i tij. Unë mendoj që ai u largua nga Barcelona për shkak se ishte prapa Leos”, tha Mathieu për ‘EFE’.

“Mendoj se ai dëshiron të fitoj Topin e Artë dhe aktualisht është i lumtur në Paris sepse është duke shënuar gola”

Neymar ka nisur në formë të shkëlqyer karrierën e tij në Liga 1 me synimin për t’i dhënë fund dominimit të Messit dhe Cristiano Ronaldos për Topin e Artë./arbresh.info/